सन्दिप चम्किएपनि टिमलाई जिताउन सकेनन् , ब्रिसबेन हिट्सँग ७१ रनले बिजयी

खेलकुद

काठमाडौं, ११ माघ । सन्दीप लामिछानेको उत्कृष्ट प्रदर्शनका बावजुद अष्ट्रेलिजामा जारी बिग ब्याश लिगमा मेलबर्न स्टार्स ब्रिसबेन हिट्सँग ७१ रनले पराजित भएको छ । मेलबर्नमा भएको खेलमा ब्रिसबेनले दिएको १८७ रनको लक्ष्य पछ्याएको घरेलु टोली १७।४ ओभरमा ११५ रनमा अलआउट भएको थियो ।

टस जितेर ब्याटिङ रोजेको ब्रिसबेनले ५ विकेटको क्षतिमा १८६ रन बनाएको थियो । उसका लागि एबी डि भिलियर्सले ३७ बलमा ७१ रनको आक्रामक इनिङ्स खेले । उनले दुई चौका र ६ छक्का प्रहार गरेका थिए । सन्दीप लामिछानेले शिकार बनाएका क्रिश लिनले पनि ३४ रन बनाएका थिए ।

बलिङतर्फ एडम जाम्पाले तीन एक तथा सन्दीप लामिछाने र दिलबर हुसेनले एक-एक विकेट लिए । जवाफी ब्याटिङमा १७।४ ओभरमा ११५ रनमा अलआउट भएकाे मेलबर्नका लागि पिटर ह्याण्ड्सकम्बले बनाएको २७ रन नै सर्वाधिक थियो ।

Leave a Reply

Your email address will not be published. Required fields are marked *