आखिर वनमन्त्री आले कि भए बर्खास्त ? यस्तो छ कारण ।

राजनीति समाचार

जेठ २२, काठमाण्डौ

प्रधानमन्त्री केपी शर्मा ओलीले वनमन्त्री प्रेम आलेसहित तीन मन्त्री हटाएका छन् । ओलीले भूमीसुधार मन्त्री डा शिवमाया तुम्बाहाम्फे, वनमन्त्री प्रेम आले र महिला मन्त्री जुली महतोलाई हटाएका हुन् ।

उनीहरुको ठाँउमा महन्थ पक्षका नेतालाई मन्त्री बनाउन तीन मन्त्री हटाइएको हो । भुमीसुधारमा लक्ष्मणलाल कर्ण, बनमा एकबाल मियाँ तथा महिला मन्त्रीमा चन्दा चौधरीलाई नियुक्त गरिएको छ । महन्थ पक्षका ८ नेतालाई मन्त्री तथा दुईलाई राज्यमन्त्रीमा नियुक्त गरिएको छ ।

नेकपा (माओवादी केन्द्र)का नेता नारायणकाजी श्रेष्ठले प्रधानमन्त्री केपी शर्मा ओलीसँग भेटेर सत्ता सहकार्यको प्रस्ताव राखेका छन् ।

निवर्तमान सहरीविकास राज्यमन्त्री रामवीर मानन्धरले माओवादी केन्द्रका प्रवक्ता श्रेष्ठले प्रधानमन्त्री ओलीसँग भेटेर सरकारमा सहभागी हुनको लागि प्रस्ताव राखेको जानकारी दिए । अहिले प्रधानमन्त्री ओली र नेकपा (माओवादी केन्द्र) का अध्यक्ष पुष्पकमल दाहालबीच पानी वारावारको सम्बन्ध छ ।

दाहाल ओलीलाई प्रधानमन्त्रीबाट जसरी पनि विस्थापित गर्न लागिपरेका छन् । यसको लागि दाहालले कांग्रेस, नेकपा (एमाले) को माधव कुमार नेपाल समूह, जसपाको उपेन्द्र यादव पक्ष र जनमोर्चासँग मोर्चा कसेका छन् ।

प्रधानमन्त्री ओलीले प्रतिनिधिसभा विघटन गरेपछि विपक्षी गठबन्धनले सर्वोच्चमा रिट हालेका छन् । विपक्षी गठबन्धनबाट १४६ जना सांसद सशरिर अदालत उपस्थित् भएर कांग्रेस सभापति शेरबहादुर देउवालाई प्रधानमन्त्री बनाउन माग गरेका छन् । यस्तो अवस्थामा माओवादी केन्द्रका नेता श्रेष्ठले भने प्रधानमन्त्री ओलीसँग भेटवार्ता गरेर सरकारमा माओवादी केन्द्र पनि सहभागी हुने प्रस्ताव राखेको खुल्न आएको छ ।

एमाले नेता मानन्धरका अनुसार श्रेष्ठले प्रधानमन्त्री ओलीसँगको भेटमा आफूहरु सरकारमा सहभागी हुन तयार रहेको बताएका थिए ।

र, अध्यक्ष प्रचण्डलाई आफूले मनाउनेपनि जिम्मा लिएका छन् । उनले अहिले प्रधानमन्त्रीले आँफै राखेका मन्त्रालयमा माओवादी केन्द्रका नेताहरु मन्त्री बन्नसक्ने सुनाए । श्रेष्ठले प्रतिनिधिसभा पूनःस्थापना भएपनि साथ दिने र पूनःस्थापना नभए चुनावी सरकारमा निरन्तर रहने प्रस्ताव ओलीसामू राखेका छन् ।

Leave a Reply

Your email address will not be published. Required fields are marked *