नेपालको शानदार सुरुवात, छक्का र चौकाको बर्षा गर्दै पारस र ज्ञानेन्द्र

खेलकुद

काठमाडौं । जारी विश्वकप क्रिकेट लिग–२ अन्तर्गतको त्रिकोणात्मक एक दिवसीय क्रिकेट श्रृंखलामा नेपाल अहिले ओमानसँग भिड्दै छ। आजको खेलमा ओमानले टस जितेर पहिला बलिङ गर्ने निर्णय गरेको छ । यो समचार तयार गर्दासम्म नेपालले २२ ओभरमा १ विकेटको क्षतीमा ९७ रन बनाएको छ । श्रृंखलाको पहिलो खेलमा ओमनसँग १८ रनले पराजित भएको नेपाल आज हारको बदला लिने अभियानमा हुनेछ । खेल बिहान साँढे ९ बजे टियू मैदान कीर्तिपुरमा सुरु हुनेछ ।

यसअघि हिजोको खेलमा नेपालले अमेरिकालाई पराजित गरेको छ । युवा अलराउण्डर कुशल मल्लले एक दिवशीय डेब्युमा कीर्तिमानी अर्धशतक प्रहार गरेको खेलमा नेपालले अमेरिकालाई ३५ रनले पराजित गरेको हो । जितपछि नेपालले ७ टिम सम्मिलित विश्वकप क्रिकेट लिग दुईमा अंकको खाता खोलेको छ । घरेलु मैदानमा भइरहेको त्रिकोणात्मक सिरिजको पहिलो खेलमा ओमानसँग पराजित भएको नेपालको यो पहिलो जित हो ।

नेपालले जितपछि २ अंक जोडेको छ । विकेटकिपर ब्याट्सम्यान विनोद भण्डारीले पनि अर्धशतक बनाएपछि नेपालले ५० ओभरमा १ सय ९० रन बनाएको थियो । कुशल एक दिवसिय क्रिकेटमा अर्धशतक प्रहार गर्ने कान्छो खेलाडी समेत बने । उनले नेपालकै रोहित कुमार पौडेलको कीर्तमान तोडेका हुन् । नेपाली बलरहरुले उत्कृष्ट प्रदर्शन गर्दा अमेरिकाले ४४ दशमलब १ ओभरमा सबै विकेट गुमाएर १ सय ५५ रन मात्रै बनायो ।

नेपाली टोली: ज्ञानेन्द्र मल्ल (कप्तान), आरिफ शेख, दीपेन्द्र सिंह ऐरी, अभिनास बोहरा, विनोद भण्डारी, करण केसी, ललित नारायण राजवंशी, पारस खड्का, कुशल मल्ल कमलसिंह ऐरी, रोहित कुमार पौडेल, सुशन भारी, शरद भेषावकर र सन्दीप लामिछाने

ओमान टिम : जिसम मसुद (कप्तान), अकिब इल्यास (उपकप्तान), जितेन्दर सिंह, खावर अली, सनुथ अब्राहिम, सुरज कुमार, मोहमद नसीम, सन्दीप गोड, मोहमद नदीम, जय ओडेद्रा, बादल सिंह, अहमेद फयाद बट, खलीमुल्लाह, बिलाल खान

Leave a Reply

Your email address will not be published. Required fields are marked *